തദ്ദേശ തിരഞ്ഞെടുപ്പിനോടനുബന്ധിച്ച് നെഗോഷ്യബിള് ഇന്സ്ട്രുമെന്റ്സ് ആക്ടിന് കീഴിലുള്ള എല്ലാ സര്ക്കാര്, അര്ദ്ധ-സര്ക്കാര്, വാണിജ്യ സ്ഥാപനങ്ങള്ക്കും അവധി പ്രഖ്യാപിച്ച് സംസ്ഥാന സര്ക്കാര് ഉത്തരവായി. ഡിസംബര് 9ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ സ്ഥാപനങ്ങള്ക്കും ഡിസംബര് 11ന് തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലെ സ്ഥാപനങ്ങള്ക്കും അവധിയായിരിക്കും.
നേരത്തെ ഡിസംബര് 2ന് പുറപ്പെടുവിച്ച ഉത്തരവില് സര്ക്കാര് ഓഫീസുകള്, വിദ്യാഭ്യാസ സ്ഥാപനങ്ങള്, സ്വകാര്യ മേഖല എന്നിവയ്ക്ക് ജില്ല തിരിച്ച് അവധി പ്രഖ്യാപിച്ചിരുന്നു.
