ഗാലെ: ഇന്ത്യയുടെ ക്രിക്കറ്റ് ചരിത്രത്തിൽ മറ്റൊരു നാഴികക്കല്ല്. രാജ്യത്തിന്റെ 80-ാം സ്വാതന്ത്ര്യദിനമായ ഇന്ന് ശ്രീലങ്കയിലെ ഗാലെ ഇന്റർനാഷണൽ സ്റ്റേഡിയത്തിൽ ഇന്ത്യ 600-ാം ടെസ്റ്റ് മത്സരം കളിക്കും. ടെസ്റ്റ് ക്രിക്കറ്റ് ചരിത്രത്തിൽ 600 മത്സരങ്ങൾ പൂർത്തിയാക്കുന്ന മൂന്നാമത്തെ ടീമായി ഇതോടെ ഇന്ത്യ മാറും.
ശ്രീലങ്കയ്ക്കെതിരായ രണ്ട് മത്സര ടെസ്റ്റ് പരമ്പരയിലെ ആദ്യ മത്സരമാണിത്. 2025–27 ഐസിസി ലോക ടെസ്റ്റ് ചാമ്പ്യൻഷിപ്പിന്റെ ഭാഗമായ പരമ്പരയിൽ നിലവിൽ ഇന്ത്യയും ശ്രീലങ്കയും പോയിന്റ് പട്ടികയിൽ യഥാക്രമം അഞ്ചും ആറും സ്ഥാനങ്ങളിലാണ്.
ഗാലെയിലും ചരിത്രനേട്ടം
ഇന്ത്യയുടെ 600-ാം ടെസ്റ്റിനൊപ്പം ഗാലെ സ്റ്റേഡിയവും 50-ാം റെഡ്-ബോൾ മത്സരത്തിന് വേദിയാകുകയാണ്. 50 ടെസ്റ്റുകൾക്ക് വേദിയാകുന്ന ഏഷ്യയിലെ ആദ്യ ഗ്രൗണ്ടെന്ന നേട്ടവും ഗാലെയ്ക്കുണ്ട്.
2017ലാണ് ഇന്ത്യ അവസാനമായി ശ്രീലങ്കയിൽ ടെസ്റ്റ് പരമ്പര കളിച്ചത്. അന്ന് വിരാട് കോഹ്ലിയുടെ നേതൃത്വത്തിൽ മൂന്ന് മത്സരങ്ങളടങ്ങിയ പരമ്പര ഇന്ത്യ 3-0ന് സ്വന്തമാക്കിയിരുന്നു. നിലവിൽ ശുഭ്മാൻ ഗില്ലാണ് ഇന്ത്യയെ നയിക്കുന്നത്.
