ലോകകപ്പ് ഫുട്ബോളിന് മുന്നോടിയായുള്ള സൗഹൃദ മത്സരത്തിൽ നിലവിലെ ലോകചാമ്പ്യൻമാരായ അർജൻ്റീന ഐസ്ലൻഡിനെ 3-0ന് പരാജയപ്പെടുത്തി. അമേരിക്കയിലെ അലബാമ സംസ്ഥാനത്തെ ജോർദൻ-ഹെയർ സ്റ്റേഡിയത്തിൽ നടന്ന മത്സരത്തിൽ അർജന്റീന ആധിപത്യം പുലർത്തുകയായിരുന്നു.
മത്സരത്തിന്റെ തുടക്കം മുതൽ തന്നെ പന്തടക്കത്തിലും ആക്രമണങ്ങളിലും മുൻതൂക്കം നേടിയ അർജന്റീന മൂന്ന് ഗോളുകൾ നേടി വ്യക്തമായ വിജയം സ്വന്തമാക്കി. ലോകകപ്പിന് മുമ്പുള്ള അവസാന സന്നാഹ മത്സരമായിരുന്നു ഇത്. 2026 ലോകകപ്പിനായുള്ള ഒരുക്കങ്ങളുടെ ഭാഗമായി അമേരിക്കയിൽ നടന്ന ഈ സൗഹൃദ മത്സരത്തിൽ അർജന്റീനയുടെ പ്രകടനം പരിശീലകസംഘത്തിന് ആത്മവിശ്വാസം പകരുന്നതാണ്.
ലോകകപ്പിൽ ഗ്രൂപ്പ് ജെയിൽ അൾജീരിയ, ഓസ്ട്രിയ, ജോർദൻ ടീമുകളോടൊപ്പമാണ് അർജന്റീനയുടെ സ്ഥാനം.
