വാഷിംഗ്ടൺ: ചൈനീസ് പ്രസിഡന്റ് ഷി ജിൻപിങ് മൂന്ന് ദിവസത്തെ ഔദ്യോഗിക സന്ദർശനത്തിനായി വാഷിംഗ്ടണിലെത്തി. ജോയിന്റ് ബേസ് ആൻഡ്രൂസ് വ്യോമതാവളത്തിൽ എത്തിയ ചൈനീസ് പ്രസിഡന്റിനെയും പത്നി പെങ് ലിയുവാനെയും യു.എസ് പ്രസിഡന്റ് ഡൊണാൾഡ് ട്രംപും പ്രഥമ വനിത മെലാനിയ ട്രംപും ചേർന്ന് ഔദ്യോഗികമായി സ്വീകരിച്ചു.
സന്ദർശനത്തിന്റെ ഭാഗമായി വൈറ്റ് ഹൗസിലെ ഔദ്യോഗിക സ്വീകരണ ചടങ്ങ്, ഇരു രാഷ്ട്രത്തലവന്മാരും പങ്കെടുക്കുന്ന ഔദ്യോഗിക വിരുന്ന്, സ്വകാര്യ ചായസൽക്കാരം, നാഷണൽ ആർക്കൈവ്സ് സന്ദർശനം എന്നിവ ഉൾപ്പെടെ വിപുലമായ പരിപാടികളാണ് നിശ്ചയിച്ചിട്ടുള്ളത്.
