മെൽബൺ: പ്രധാനമന്ത്രി നരേന്ദ്ര മോദിയുടെ ഓസ്ട്രേലിയൻ സന്ദർശനത്തിനിടയിൽ മെൽബണിൽ വെച്ച് അദ്ദേഹവുമായി കൂടിക്കാഴ്ച നടത്താൻ കഴിഞ്ഞതിലുള്ള സന്തോഷം പങ്കുവെച്ച് മുൻ ഓസ്ട്രേലിയൻ പ്രധാനമന്ത്രി സ്കോട്ട് മോറിസൺ. ഇന്ന് മെൽബണിൽ വെച്ച് നേരിട്ട് കാണാനും സംസാരിക്കാനും ക്ഷണിച്ചതിന് പ്രധാനമന്ത്രി നരേന്ദ്ര മോദിക്ക് അദ്ദേഹം പ്രത്യേക നന്ദി അറിയിച്ചു.
അദ്ദേഹത്തെ വീണ്ടും കാണാൻ കഴിഞ്ഞതിലും സാമ്പത്തികം, വ്യാപാരം, സുരക്ഷ, പ്രതിരോധം എന്നിവയുൾപ്പെടെയുള്ള മേഖലകളിൽ ഇന്ത്യ-ഓസ്ട്രേലിയ ഉഭയകക്ഷി ബന്ധം എക്കാലത്തെയും ഉയർന്ന തലത്തിലേക്ക് ഉയർത്താൻ തങ്ങൾക്ക് ഒന്നിച്ച് സാധിച്ച കാര്യങ്ങളെക്കുറിച്ച് അനുസ്മരിക്കാൻ കഴിഞ്ഞതിലും വലിയ സന്തോഷമുണ്ടെന്ന് അദ്ദേഹം വ്യക്തമാക്കി. ഇന്തോ-പസഫിക് മേഖലയിലെ സാഹചര്യങ്ങളെക്കുറിച്ചും ലീഡേഴ്സ് ഡയലോഗിന്റെ സ്ഥാപക അംഗങ്ങൾ എന്ന നിലയിൽ ഒന്നിച്ച് പ്രവർത്തിച്ച ക്വാഡ് (Quad) സഖ്യത്തോടുള്ള ഇരുവർക്കുമുള്ള താല്പര്യങ്ങളെക്കുറിച്ചുമുള്ള ആശയങ്ങൾ പങ്കുവെക്കാനും ഈ കൂടിക്കാഴ്ചയിൽ സാധിച്ചുവെന്ന് അദ്ദേഹം കൂട്ടിച്ചേർത്തു. പ്രധാനമന്ത്രി നരേന്ദ്ര മോദിയുടെ തുടർന്നുള്ള സന്ദർശനത്തിന് എല്ലാവിധ ആശംസകളും നേരുന്നതായും അദ്ദേഹം അറിയിച്ചു.
