ന്യൂഡൽഹി: റഷ്യയുടെ കടൽമാർഗമുള്ള ക്രൂഡ് ഓയിൽ കയറ്റുമതിയുടെ 37 ശതമാനവും ഇന്ത്യയിലേക്കാണെന്ന് സെന്റർ ഫോർ റിസർച്ച് ഓൺ എനർജി ആൻഡ് ക്ലീൻ എയർ (CREA)യുടെ കണക്കുകൾ. 50 ശതമാനം വിഹിതവുമായി ചൈനയാണ് മുന്നിൽ.
റഷ്യൻ ക്രൂഡ് ഉപയോഗിക്കുന്ന ഇന്ത്യൻ റിഫൈനറികൾ ശുദ്ധീകരിച്ച എണ്ണ ഉൽപ്പന്നങ്ങൾ ആഭ്യന്തര വിപണിയിലും വിദേശത്തും വിൽക്കുന്നുണ്ട്. ജൂലൈയിൽ ഇന്ത്യ ഉൾപ്പെടെയുള്ള രാജ്യങ്ങളിലെ റിഫൈനറികൾ ഉപരോധം ഏർപ്പെടുത്തിയ രാജ്യങ്ങളിലേക്ക് വൻതോതിൽ എണ്ണ ഉൽപ്പന്നങ്ങൾ കയറ്റുമതി ചെയ്തതായും CREA റിപ്പോർട്ട് വ്യക്തമാക്കുന്നു.
വിലക്കുറവും ഊർജസുരക്ഷയും പരിഗണിച്ചാണ് ഇന്ത്യ റഷ്യൻ ക്രൂഡ് വാങ്ങുന്നത്. റഷ്യയ്ക്ക് ഇന്ത്യ പ്രധാന വിപണിയായി തുടരുകയാണെങ്കിലും, ഇന്ത്യയുടെ എണ്ണവാങ്ങൽ സാമ്പത്തികവും ഊർജസുരക്ഷാ പരിഗണനകളും അടിസ്ഥാനമാക്കിയുള്ളതാണ്.
