കൽപ്പറ്റ: വയനാട്ടിലെ കള്ളാടിക്കടുത്ത് മണ്ണിടിച്ചിലുണ്ടായ പ്രദേശം പ്രതിപക്ഷ നേതാവ് പിണറായി വിജയനും സിപിഎം സംസ്ഥാന സെക്രട്ടറി എം.വി. ഗോവിന്ദനും വ്യാഴാഴ്ച രാവിലെ സന്ദർശിച്ചു.
രാവിലെ 9.30ഓടെ കള്ളാടിയിലെ മീനാക്ഷി പാലത്തിന് സമീപത്തെ ദുരന്തബാധിത മേഖലയിലെത്തിയ ഇരുവരും സ്ഥലത്തുണ്ടായിരുന്ന റവന്യൂ മന്ത്രി എ.പി. അനിൽകുമാറിൽ നിന്നും ഉദ്യോഗസ്ഥരിൽ നിന്നും രക്ഷാപ്രവർത്തനങ്ങളുടെയും നിലവിലെ സാഹചര്യങ്ങളുടെയും വിശദാംശങ്ങൾ തേടി.
തുടർന്ന് മേപ്പാടി ഡോ. മൂപ്പൻസ് മെഡിക്കൽ കോളജ് ആശുപത്രിയിലെത്തി മണ്ണിടിച്ചിലിൽ പരിക്കേറ്റ് ചികിത്സയിൽ കഴിയുന്നവരെ സന്ദർശിച്ചു. മേപ്പാടി പോളിടെക്നിക് കോളജിൽ പ്രവർത്തിക്കുന്ന ദുരിതാശ്വാസ ക്യാമ്പും ഇരുവരും സന്ദർശിച്ച് ക്യാമ്പിലുള്ളവരുമായി സംസാരിച്ചു.
