ടെഹ്റാൻ: ഇറാൻ പരമോന്നത നേതാവ് ആയത്തുള്ള അലി ഖമനിയുടെ ഔദ്യോഗിക സമുച്ചയത്തിന് അമേരിക്കയും ഇസ്രായേലും നടത്തിയതായി പറയപ്പെടുന്ന ആക്രമണത്തിൽ ഉണ്ടായ നാശനഷ്ടങ്ങളുടെ ദൃശ്യങ്ങൾ ഇറാൻ സർക്കാർ മാധ്യമം പുറത്തുവിട്ടു. കെട്ടിടങ്ങളുടെ ഭാഗങ്ങൾ തകർന്നതും അവശിഷ്ടങ്ങൾ ചിതറിക്കിടക്കുന്നതും ഉൾപ്പെടെയുള്ള ദൃശ്യങ്ങളാണ് പുറത്തുവന്ന വീഡിയോയിൽ കാണുന്നതെന്ന് റിപ്പോർട്ടുകൾ പറയുന്നു.
ആക്രമണത്തിന് പിന്നാലെ സമുച്ചയത്തിന് കാര്യമായ കേടുപാടുകൾ സംഭവിച്ചെന്ന വിലയിരുത്തലുകൾ നേരത്തേ ഉപഗ്രഹ ചിത്രങ്ങളിലൂടെയും പുറത്തുവന്നിരുന്നു. എന്നാൽ ആക്രമണത്തിൽ ഉണ്ടായ നാശനഷ്ടങ്ങളുടെ ഔദ്യോഗിക ദൃശ്യങ്ങൾ ഇറാൻ ഭാഗത്ത് നിന്ന് പുറത്തുവിടുന്നത് ഇതാദ്യമായാണ്.
സംഭവവുമായി ബന്ധപ്പെട്ട് അമേരിക്കയോ ഇസ്രായേലോ പുതിയ പ്രതികരണം നടത്തിയിട്ടില്ല. ആക്രമണത്തെ തുടർന്ന് മേഖലയിൽ സംഘർഷാവസ്ഥ തുടരുകയാണെന്നും വിവിധ അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
