കീവ്: റഷ്യ യുക്രൈനിൽ നടത്തിയ വ്യാപകമായ മിസൈൽ, ഡ്രോൺ ആക്രമണങ്ങളിൽ എട്ട് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. തലസ്ഥാനമായ കീവ് ഉൾപ്പെടെ വിവിധ നഗരങ്ങളെയാണ് ആക്രമണം ലക്ഷ്യമിട്ടത്.
യുക്രൈൻ വ്യോമസേനയുടെ വിവരമനുസരിച്ച് റഷ്യ നിരവധി മിസൈലുകളും നൂറുകണക്കിന് ഡ്രോണുകളും പ്രയോഗിച്ചു. വ്യോമപ്രതിരോധ സംവിധാനം ഭൂരിഭാഗം ഡ്രോണുകളും നിരവധി മിസൈലുകളും തകർത്തെങ്കിലും ചില മിസൈലുകൾ ലക്ഷ്യസ്ഥാനങ്ങളിൽ പതിച്ചതോടെ വ്യാപക നാശനഷ്ടമുണ്ടായി.
ആക്രമണത്തിൽ താമസകെട്ടിടങ്ങൾക്കും പൊതുസൗകര്യങ്ങൾക്കും കേടുപാടുകൾ സംഭവിച്ചു. റഷ്യയുടെ ആക്രമണത്തെ യുക്രൈൻ പ്രസിഡന്റ് വൊളോഡിമിർ സെലെൻസ്കി അപലപിക്കുകയും രാജ്യത്തിന് കൂടുതൽ വ്യോമപ്രതിരോധ സഹായം നൽകണമെന്ന് പാശ്ചാത്യ രാജ്യങ്ങളോട് വീണ്ടും അഭ്യർഥിക്കുകയും ചെയ്തു.
