തിരുവനന്തപുരം: സംസ്ഥാനത്ത് വ്യാജ ലോട്ടറി നിർമ്മാണവും ഒരേ ടിക്കറ്റ് അനധികൃതമായി വിറ്റഴിക്കുന്നതും തടയാൻ കർശന നിയമനടപടി സ്വീകരിക്കുമെന്ന് മുഖ്യമന്ത്രി വി.ഡി. സതീശൻ നിയമസഭയിൽ വ്യക്തമാക്കി. ഇത്തരം നിയമവിരുദ്ധ പ്രവർത്തനങ്ങൾ മൂലം സംസ്ഥാന ഖജനാവിനും സാധാരണക്കാരായ ലോട്ടറി തൊഴിലാളികൾക്കും വലിയ തോതിലുള്ള സാമ്പത്തിക നഷ്ടമാണ് ഉണ്ടാകുന്നത്. പാലക്കാട് ഉൾപ്പെടെയുള്ള ജില്ലകളിൽ വ്യാപകമായി നടക്കുന്ന ഇത്തരം തട്ടിപ്പുകൾ ലോട്ടറി മേഖലയെത്തന്നെ തകർക്കുന്ന വലിയ ക്രിമിനൽ കുറ്റകൃത്യമായി മാറിയിരിക്കുകയാണെന്നും തട്ടിപ്പുകാരെ മുഴുവൻ നിയമത്തിന് മുന്നിൽ കൊണ്ടുവരുമെന്നും മുഖ്യമന്ത്രി അറിയിച്ചു.
വ്യാജ ലോട്ടറി തട്ടിപ്പിനെതിരെ കർശന നിയമനടപടി; കുറ്റക്കാരെ മുഴുവൻ നിയമത്തിന് മുന്നിൽ കൊണ്ടുവരുമെന്ന് മുഖ്യമന്ത്രി വി.ഡി. സതീശൻ
