ടെഹ്റാൻ: ഇറാന്റെ പരമോന്നത നേതാവ് ആയത്തുല്ല അലി ഖമേനിയുടെ മരണത്തിന് പ്രതികാരം ചെയ്യുമെന്ന മുന്നറിയിപ്പിനിടെ, 13 വിദേശ നേതാക്കളുടെ പേരുകൾ ഉൾപ്പെടുത്തിയ പട്ടിക ഒരു യാഥാസ്ഥിതിക ഇറാനിയൻ പത്രം പ്രസിദ്ധീകരിച്ചു. അമേരിക്കൻ പ്രസിഡന്റ് ഡൊണാൾഡ് ട്രംപ്, ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു, ഇറ്റാലിയൻ പ്രധാനമന്ത്രി ജോർജിയ മെലോണി എന്നിവരുൾപ്പെടെയുള്ള നേതാക്കളുടെ പേരുകളാണ് പട്ടികയിലുള്ളത്.
ഖമേനിയുടെ മരണത്തിന് പിന്നാലെ പ്രതികാരം ചെയ്യുമെന്ന സന്ദേശത്തിന്റെ ഭാഗമായാണ് ഈ പട്ടിക പ്രസിദ്ധീകരിച്ചതെന്നാണ് റിപ്പോർട്ടുകൾ. ഇറാനിലെ ഭരണകൂടവുമായി ബന്ധമുള്ള കടുത്ത നിലപാടുകൾ സ്വീകരിക്കുന്ന മാധ്യമമാണ് ഇത് പ്രസിദ്ധീകരിച്ചിരിക്കുന്നത്. എന്നാൽ ഈ പട്ടിക ഇറാൻ സർക്കാരിന്റെ ഔദ്യോഗിക പ്രഖ്യാപനമാണെന്ന് സ്ഥിരീകരിച്ചിട്ടില്ല.
പട്ടിക പുറത്തുവന്നതോടെ മേഖലയിലെ സംഘർഷം കൂടുതൽ രൂക്ഷമാകുമെന്ന ആശങ്ക ഉയർന്നിട്ടുണ്ട്. സംഭവത്തോട് ബന്ധപ്പെട്ട് വിവിധ രാജ്യങ്ങൾ സുരക്ഷാ സാഹചര്യം സൂക്ഷ്മമായി നിരീക്ഷിച്ചുവരികയാണ്.
