യുകെയില് ഇന്ത്യന് വിദ്യാര്ത്ഥി കുത്തേറ്റു മരിച്ചു.സെന്ട്രല് ഇംഗ്ലണ്ടിലെ വോര്സെസ്റ്ററില് വെച്ചുണ്ടായ ആക്രമണത്തില് ഹരിയാനയിലെ ചര്ഖി ദാദ്രി സ്വദേശിയായ വിജയ് കുമാര് ഷിയോറാന് (30) എന്ന വിദ്യാര്ത്ഥിയാണ് കുത്തേറ്റു മരിച്ചത്.ആക്രമണത്തില് ഗുരുതരമായി പരിക്കേറ്റ ഇയാള് ആശുപത്രിയില് വെച്ചാണ് മരണത്തിന് കീഴടങ്ങിയത്.ചൊവ്വാഴ്ച പുലര്ച്ചെ 4:15 ഓടെ വോര്സെസ്റ്ററിലെ ബാര്ബേണ് റോഡില് ഗുരുതരമായി പരിക്കേറ്റ നിലയിലാണ് യുവാവിനെ ഉദ്യോഗസ്ഥര് കണ്ടെത്തിയത് എന്ന് പിടിഐ റിപ്പോര്ട്ട് ചെയ്യുന്നു.ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കൊലപാതകവുമായി ബന്ധപ്പെട്ട് അഞ്ച് പേരെ പോലീസ് അറസ്റ്റ് ചെയ്തിരുന്നു.ഇവരെ ജാമ്യത്തില് വിട്ടു. സംഭവത്തില് ദൃക്സാക്ഷികള് ആരെങ്കിലുമുണ്ടെങ്കില് വിവരങ്ങള് നല്കണമെന്ന് അധികൃതര് അഭ്യര്ത്ഥിച്ചു.അന്വേഷണം പുരോഗമിക്കുകയാണെന്നും കൊലപാതകവുമായി ബന്ധപ്പെട്ട് കൂടുതല് വിവരങ്ങള് ഇപ്പോള് പുറത്തുവിടാന് കഴിയില്ലെന്നും പോലീസ് വ്യക്തമാക്കി. മൃതദേഹം എത്രയും പെട്ടെന്ന് നാട്ടിലെത്തിക്കും.
