ന്യൂയോർക്ക്: ഐക്യരാഷ്ട്രസഭയുടെ പൊതുസഭാ സമ്മേളനത്തിനിടെ അമേരിക്കൻ പ്രസിഡന്റ് ഡൊണാൾഡ് ട്രംപുമായി ഓസ്ട്രേലിയൻ പ്രധാനമന്ത്രി ആന്റണി ആൽബനീസ് കൂടിക്കാഴ്ച നടത്തി. യുഎസ് പ്രസിഡന്റുമായി വീണ്ടും സംസാരിക്കാൻ കഴിഞ്ഞതിൽ എപ്പോഴും സന്തോഷമുണ്ടെന്നും യുഎൻ പൊതുസഭയുടെ ഭാഗമായി രാത്രിയിലാണ് തങ്ങൾ തമ്മിൽ ആശയവിനിമയം നടത്തിയതെന്നും കൂടിക്കാഴ്ചയ്ക്ക് ശേഷം പ്രധാനമന്ത്രി ആൽബനീസ് വ്യക്തമാക്കി.
ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തെയും ആഗോള സുരക്ഷയെയും ബാധിക്കുന്ന നിർണായക വിഷയങ്ങളിൽ ഓസ്ട്രേലിയയും അമേരിക്കയും തമ്മിലുള്ള ചർച്ചകൾ പുരോഗമിക്കുന്ന പശ്ചാത്തലത്തിലാണ് ഈ സുപ്രധാന കൂടിക്കാഴ്ച നടന്നത്.
