പെരുവന്താനം: പെരുവന്താനത്ത് ബൈക്കും ട്രാവലറും കൂട്ടിയിടിച്ചുണ്ടായ അപകടത്തിൽ കോളേജ് വിദ്യാർത്ഥിക്ക് പരിക്കേറ്റു. പാലാ സ്വദേശിയും പെരുവന്താനം കോളേജിലെ വിദ്യാർത്ഥിയുമായ മെൽവിനാണ് പരിക്കേറ്റത്. മെൽവിൻ സഞ്ചരിച്ചിരുന്ന ബൈക്കിലേക്ക് ട്രാവലർ ഇടിച്ചാണ് അപകടമുണ്ടായത്.
പരിക്കേറ്റ മെൽവിനെ ഉടൻ തന്നെ സമീപത്തെ മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു. പ്രാഥമിക വിവരങ്ങൾ പ്രകാരം മെൽവിന്റെ പരിക്കുകൾ ഗുരുതരമല്ലെന്നാണ് ആശുപത്രി അധികൃതർ നൽകുന്ന വിവരം. അപകടത്തിന്റെ കൃത്യമായ കാരണം സംബന്ധിച്ച കൂടുതൽ വിശദാംശങ്ങൾ ലഭ്യമായിട്ടില്ല.
