തിരുവനന്തപുരം: ഉറങ്ങിക്കിടക്കുന്നതിനിടെ പാമ്പുകടിയേറ്റ് എട്ടുവയസുകാരന് ദാരുണാന്ത്യം. ചിറയിന്കീഴ് അഴൂരില് മൂലയില് വീട്ടില് ദിലീപ്-അനു ദമ്പതികളുടെ മകന് ദിക്ഷല് ആണ് മരിച്ചത്.
രാവിലെ നാല് മണിയോടെയാണ് കുട്ടിക്ക് പാമ്പ് കടിയേറ്റതായി കുടുംബം തിരിച്ചറിഞ്ഞത്. തുടര്ന്ന് ചിറയിന്കീഴ് ആശുപത്രിയിലെത്തിച്ച് പ്രാഥമിക ചികിത്സ നല്കി.സ്ഥിതി ഗുരുതരമായതിനാല് പിന്നീട് തിരുവനന്തപുരം മെഡിക്കല് കോളജ് ആശുപത്രിയിലേക്ക് മാറ്റിയെങ്കിലും കുട്ടിയുടെ ജീവന് രക്ഷിക്കാനായില്ല.
സംഭവത്തിന് പിന്നാലെ വീട്ടില് നടത്തിയ പരിശോധനയില് കുട്ടി ഉറങ്ങിയിരുന്ന മുറിയില് മൂര്ഖന് പാമ്പിനെ കണ്ടെത്തിയതായി അധികൃതര് അറിയിച്ചു.മൃതദേഹം തിരുവനന്തപുരം മെഡിക്കല് കോളജ് ആശുപത്രിയില് സൂക്ഷിച്ചിരിക്കുകയാണ്.
