കോട്ടയം: ഭവനരഹിതരായ കുടുംബങ്ങൾക്ക് സ്വന്തമായൊരു വീടെന്ന ചിരകാലാഭിലാഷം യാഥാർത്ഥ്യമാക്കിക്കൊണ്ട് ഉമ്മൻചാണ്ടി ഫൗണ്ടേഷൻ നിർമ്മിച്ചുനൽകിയ ആറ് വീടുകളുടെ ഗൃഹപ്രവേശനച്ചടങ്ങുകൾ ഇന്ന് (ഒക്ടോബർ 30, വെള്ളിയാഴ്ച) നടക്കും. ശ്രീ. സൈമൺ കോട്ടൂരിന്റെ സഹകരണത്തോടെയാണ് അർഹരായ ആറ് കുടുംബങ്ങൾക്കായി ഈ ഭവനങ്ങൾ ഒരുക്കിയിരിക്കുന്നത്. ഉച്ചയ്ക്ക് രണ്ട് മണി മുതലാണ് വിവിധ പ്രദേശങ്ങളിലായി ഗൃഹപ്രവേശന കർമ്മങ്ങൾ ആരംഭിക്കുന്നത്.
പൊങ്ങന്താനം, മുടിത്താനം, പാമ്പാടി, കുറിച്ചി, പാത്താമുട്ടം, മണർകാട് എന്നിവിടങ്ങളിലാണ് ഫൗണ്ടേഷന്റെ നേതൃത്വത്തിൽ നിർമ്മാണം പൂർത്തിയാക്കിയ വീടുകൾ സ്ഥിതി ചെയ്യുന്നത്. ഓരോ കുടുംബത്തിനും അന്തസ്സോടെയും സുരക്ഷിതത്വത്തോടെയും ജീവിക്കാനും പുതിയ പ്രതീക്ഷകളിലേക്ക് ചുവടുവെക്കാനും സ്വന്തമായൊരു ഭവനം കൂടിയേ തീരൂ എന്ന തിരിച്ചറിവോടെയാണ് ഈ കാരുണ്യപദ്ധതി നടപ്പിലാക്കിയിട്ടുള്ളത്. സ്വന്തമായി അടച്ചുറപ്പുള്ള ഒരു വീടെന്ന വലിയ സ്വപ്നം പൂവണിഞ്ഞതിന്റെ സന്തോഷത്തിലാണ് ആറ് കുടുംബങ്ങളും. ചടങ്ങിൽ ഫൗണ്ടേഷൻ ഭാരവാഹികളും ജനപ്രതിനിധികളും സാമൂഹിക രംഗത്തെ പ്രമുഖരും പങ്കെടുക്കും
