കാൻബറ: പ്രതിപക്ഷ നേതാവ് ആഗസ് ടെയ്ലറുടെ ബജറ്റ് മറുപടി പ്രസംഗത്തെ ‘കണക്കില്ലാത്ത വിഡ്ഢിത്തം’ (Uncosted nonsense) എന്ന് വിശേഷിപ്പിച്ച് ലേബർ പാർട്ടി രംഗത്തെത്തി. സർക്കാരിനുവേണ്ടി പ്രതികരിച്ച മുതിർന്ന ലേബർ നേതാവ് ക്ലെയർ ഒനീൽ, പ്രതിപക്ഷത്തിന്റെ പദ്ധതികൾ ഓസ്ട്രേലിയൻ സമ്പദ്വ്യവസ്ഥയിൽ 100 ബില്യൺ ഡോളറിന്റെ വൻ വിള്ളലുണ്ടാക്കുമെന്നും ആരോപിച്ചു.
ബജറ്റ് മറുപടിയിലെ നിർദ്ദേശങ്ങൾ പൂർണ്ണമായും ചിലവ് കണക്കാക്കിയതും (Fully costed) സന്തുലിതവുമായിരിക്കുമെന്ന് ഷാഡോ ഫിനാൻസ് മിനിസ്റ്റർ ക്ലെയർ ചാൻഡലറും ഷാഡോ ട്രഷറർ ടിം വിൽസണും വാഗ്ദാനം ചെയ്തിരുന്നുവെങ്കിലും അത് പാലിക്കപ്പെട്ടില്ലെന്ന് ഒനീൽ ചൂണ്ടിക്കാട്ടി.പ്രതിപക്ഷത്തിന്റെ സാമ്പത്തിക പദ്ധതികൾ മെഡിക്കെയർ (Medicare), വിദ്യാഭ്യാസം തുടങ്ങിയ അത്യാവശ്യ സേവനങ്ങളെ ബാധിക്കുമെന്നും സാധാരണ കുടുംബങ്ങൾ ആശ്രയിക്കുന്ന സേവനങ്ങളെ അവർ ഇല്ലാതാക്കുമെന്നും ലേബർ ആരോപിക്കുന്നു.
ടാക്സ് ബ്രാക്കറ്റുകൾ പണപ്പെരുപ്പത്തിനനുസരിച്ച് പരിഷ്കരിക്കാനുള്ള ടെയ്ലറുടെ നീക്കം യാതൊരു മുൻകരുതലുമില്ലാതെ ‘ഒരു നാപ്കിന്റെ പുറത്ത് തയ്യാറാക്കിയ’ (Back of a napkin) പദ്ധതി പോലെയാണെന്ന് ഒനീൽ പരിഹസിച്ചു.പ്രതിപക്ഷത്തിന്റെ ഈ പ്രഖ്യാപനങ്ങൾ ഒരു വീടുപോലും നിർമ്മിക്കാനോ ഓസ്ട്രേലിയൻ കുടുംബങ്ങളുടെ ബില്ലുകൾ അടയ്ക്കാനോ സഹായിക്കില്ലെന്നും അവർ കൂട്ടിച്ചേർത്തു.
പ്രതിപക്ഷത്തിന്റെ നീക്കങ്ങൾ കേവലം രാഷ്ട്രീയ നാടകമാണെന്നും രാജ്യത്തിന്റെ സാമ്പത്തിക ഭദ്രതയെ ഇത് തകർക്കുമെന്നുമാണ് ലേബർ പാർട്ടിയുടെ നിലപാട്
