തിരുവനന്തപുരം: കണ്ണൂർ അഞ്ചരക്കണ്ടി ഇൻസ്റ്റിറ്റ്യൂട്ട് ഓഫ് ഡെന്റൽ സയൻസസ് വിദ്യാർഥി നിതിൻ രാജിന്റെ മരണവുമായി ബന്ധപ്പെട്ട അന്വേഷണം പ്രത്യേക അന്വേഷണ സംഘത്തിന് (SIT) കൈമാറി. കണ്ണൂർ സിറ്റി പൊലീസ് അസിസ്റ്റന്റ് കമ്മിഷണർ ഹരിപ്രസാദിന്റെ നേതൃത്വത്തിലുള്ള സംഘമാണ് അന്വേഷണം നടത്തുക.
കേസിന്റെ എല്ലാ വശങ്ങളും പരിശോധിച്ച് അന്വേഷണം വേഗത്തിലാക്കാനാണ് പ്രത്യേക സംഘത്തെ നിയോഗിച്ചതെന്ന് പൊലീസ് അറിയിച്ചു. കോളജ് അധ്യാപകരുടെ പീഡനാരോപണം, ജാതിവിവേചന പരാതി, വായ്പാ ആപ്പിൽ നിന്നുള്ള ഭീഷണികൾ എന്നിവ ഉൾപ്പെടെ എല്ലാ ആരോപണങ്ങളും അന്വേഷണ പരിധിയിലുണ്ടാകും.
സംഭവവുമായി ബന്ധപ്പെട്ട് നേരത്തെ കോളജിലെ മുൻ വിഭാഗം മേധാവി ഡോ. എം.കെ. റാമിനെ പൊലീസ് അറസ്റ്റ് ചെയ്തിരുന്നു. കേസിലെ മറ്റ് സാഹചര്യങ്ങളും ലഭ്യമായ ഡിജിറ്റൽ തെളിവുകളും പ്രത്യേക സംഘം വിശദമായി പരിശോധിക്കുമെന്ന് പൊലീസ് അറിയിച്ചു.
