ബ്യൂണസ് ഐറിസ്: അർജന്റീനയുടെ ഇതിഹാസ ഫുട്ബോൾ താരം ഡിയേഗോ മാറഡോണയുടെ മരണത്തിൽ വീണ്ടും അന്വേഷണം ആരംഭിച്ചു. മരണത്തിൽ മെഡിക്കൽ അനാസ്ഥയുണ്ടെന്ന പ്രോസിക്യൂട്ടർമാരുടെ കണ്ടെത്തലിന്റെയും ആരാധകരുടെ വ്യാപകമായ പ്രതിഷേധത്തിന്റെയും പശ്ചാത്തലത്തിലാണ് നടപടി.2020 നവംബർ 25-ന് തന്റെ 60-ാം വയസ്സിലാണ് മാറഡോണ അന്തരിച്ചത്. ഹൃദയാഘാതത്തെത്തുടർന്നായിരുന്നു അന്ത്യമെന്നാണ് ഔദ്യോഗിക റിപ്പോർട്ടുകൾ സൂചിപ്പിച്ചിരുന്നത്. എന്നാൽ മരണസമയത്ത് അദ്ദേഹത്തിന് നൽകിയ ചികിത്സയിൽ വീഴ്ചകൾ സംഭവിച്ചുവെന്നും കൃത്യമായ പരിചരണം ലഭിച്ചില്ലെന്നും ആരോപണമുയർന്നു.മെഡിക്കൽ അനാസ്ഥയെക്കുറിച്ച് അന്വേഷിക്കുന്നതിനായി പുതിയ വിചാരണ നടപടികൾ ആരംഭിച്ചിട്ടുണ്ട്. അഞ്ച് വർഷങ്ങൾക്ക് ശേഷം ഈ കേസിൽ പുനരന്വേഷണം നടക്കുന്നു എന്നത് ഏറെ ശ്രദ്ധേയമാണ്. മാറഡോണയുടെ മരണത്തിന് കാരണക്കാരായവരെ നിയമത്തിന് മുന്നിൽ കൊണ്ടുവരണമെന്നാണ് ആരാധകരുടെ ആവശ്യം. പുതിയ വിചാരണയിലൂടെ മരണത്തെ സംബന്ധിച്ച കൂടുതൽ സത്യങ്ങൾ പുറത്തുവരുമെന്നാണ് കരുതപ്പെടുന്നത്.
മാറഡോണയുടെ മരണത്തിൽ വീണ്ടും അന്വേഷണം; മെഡിക്കൽ അനാസ്ഥയെന്ന് ആരോപണം
