തിരുവനന്തപുരം: ഗുണനിലവാരമുള്ള മരുന്നുകൾ സാധാരണക്കാർക്ക് താങ്ങാനാകുന്ന കുറഞ്ഞ വിലയിൽ ലഭ്യമാക്കുന്നതിനാണ് സർക്കാർ പ്രഥമ മുൻഗണന നൽകുന്നതെന്ന് ആരോഗ്യ വകുപ്പ് മന്ത്രി കെ. മുരളീധരൻ വ്യക്തമാക്കി. ഫാർമസ്യൂട്ടിക്കൽ കമ്പനികളിൽ നിന്ന് ഗുണമേന്മയുള്ള മരുന്നുകളുടെ ലഭ്യത ഉറപ്പാക്കുന്നതിനായി സർക്കാർ ശക്തമായ നടപടികൾ ഇതിനോടകം സ്വീകരിച്ചിട്ടുണ്ടെന്നും അദ്ദേഹം പറഞ്ഞു.
തിരുവനന്തപുരത്ത് പട്ടം ജില്ലാ പഞ്ചായത്ത് ഇ.എം.എസ്. ഹാളിൽ സംഘടിപ്പിച്ച ‘ക്ഷയരോഗ മുക്ത പഞ്ചായത്ത്’ പുരസ്‌കാര പ്രഖ്യാപനവും വിതരണവും ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. പൊതുജനാരോഗ്യ സംരക്ഷണത്തിൽ മരുന്നുകളുടെ ലഭ്യതയും ഗുണനിലവാരവും ഉറപ്പുവരുത്തേണ്ടതിന്റെ പ്രാധാന്യം അദ്ദേഹം ഊന്നിപ്പറഞ്ഞു.
