കാൻബറ: ബഡ്ജറ്റിന് ശേഷമുണ്ടാകാൻ സാധ്യതയുള്ള രാഷ്ട്രീയ ആയുധങ്ങളെയും നെഗറ്റീവ് കാമ്പെയ്നുകളെയും നേരിടാൻ തങ്ങൾ പൂർണ്ണ സജ്ജരാണെന്ന് പ്രഖ്യാപിച്ച ഓസ്ട്രേലിയൻ ഭരണകൂടത്തിന്, ഈ വാരം കാര്യങ്ങൾ അത്ര ശുഭകരമല്ലെന്ന് പ്രമുഖ രാഷ്ട്രീയ റിപ്പോർട്ടർ കോർട്ട്നി ഗൗൾഡിന്റെ വിലയിരു ത്തൽ.കാര്യങ്ങൾ പൂർണ്ണമായി നിയന്ത്രണത്തിലാണെന്ന് സർക്കാർ അവകാശപ്പെടുമ്പോഴും, പ്രായോഗിക തലത്തിൽ ഭരണകൂടം പതറുന്ന കാഴ്ചയാണ് ഇക്കഴിഞ്ഞ ദിവസങ്ങളിൽ കനാബറയിൽ കണ്ടത്.
ബഡ്ജറ്റ് പ്രഖ്യാപനങ്ങൾക്ക് പിന്നാലെ പ്രധാനമന്ത്രി ആന്റണി ആൽബനീസും ട്രഷറർ ജിം ചാൽമേഴ്സും രാജ്യവ്യാപകമായി വലിയൊരു ജനസമ്പർക്ക പരിപാടിക്കാണ് തുടക്കമിട്ടത്. നെഗറ്റീവ് ഗിയറിംഗിലും ക്യാപിറ്റൽ ഗെയിൻസ് നികുതിയിലും സർക്കാർ വരുത്തിയ മാറ്റങ്ങൾ രാജ്യത്ത് ഭവന നിർമ്മാണം ചെലവ് കുറഞ്ഞതാ ക്കാനും സാധാരണക്കാർക്ക് വീട് ലഭ്യമാക്കാനും വേണ്ടിയാണെന്ന് ജനങ്ങളെ ബോധ്യപ്പെടുത്തുകയായിരുന്നു ഇവരുടെ ലക്ഷ്യം. പുതുതായി നിർമ്മിച്ച അപ്പാർട്ട്മെന്റ് സമുച്ചയങ്ങൾ സന്ദർശിച്ചുകൊണ്ട് തങ്ങളുടെ നയം ശരിയാണെന്ന് സ്ഥാപിക്കാൻ അവർ പരമാവധി ശ്രമിച്ചു.
എന്നാൽ, സർക്കാരിന്റെ ഈ വിശദീകരണങ്ങൾ ജനങ്ങളിലേക്ക് എത്തുന്നതിന് മുമ്പ് തന്നെ പ്രതിപക്ഷത്തിന്റെയും മാധ്യമങ്ങളുടെയും വിമർശന പ്രചാരണങ്ങൾ സർക്കാരിന് മേൽ മേധാവിത്വം സ്ഥാപി ച്ചുകഴിഞ്ഞു. ഭവന മേഖലയിലെ പരിഷ്കാരങ്ങളെക്കാൾ, ബഡ്ജറ്റിലെ മറ്റു നിർദ്ദേശങ്ങൾ ഓസ്ട്രേ ലിയൻ സമ്പദ്വ്യവസ്ഥയെ എങ്ങനെ ബാധിക്കുമെന്നതാണ് പ്രമുഖ പത്രങ്ങളും സാമ്പത്തിക വിദഗ്ദ്ധരും ചൂണ്ടിക്കാ ണിക്കുന്നത്. ഓഹരി വിപണി), സ്റ്റാർട്ട്-അപ്പുകൾ , ചെറുകിട വ്യവസായങ്ങൾ എന്നിവയെ ബഡ്ജറ്റ് പ്രതികൂല മായി ബാധിക്കുമെന്ന വിമർശനം ഇതിനകം തന്നെ ശക്തമായിട്ടുണ്ട്. തങ്ങൾ ഒരുക്കിയ പ്രതിരോധങ്ങൾക്കും അപ്പുറത്തേക്ക് ബഡ്ജറ്റ് വിവാദങ്ങൾ കൈവിട്ടുപോയ സാഹചര്യത്തിൽ വരും ദിവസങ്ങളിൽ സർക്കാരിന് കടുത്ത രാഷ്ട്രീയ വെല്ലുവിളിയാകും നേരിടേണ്ടി വരികയെന്ന് കോർട്ട്നി ഗൗൾഡ് നിരീക്ഷിക്കുന്നു.
