ലോകകപ്പിനിടെ കാനഡയ്ക്ക് വൻ തിരിച്ചടി; ഇസ്മായേൽ കോനെയുടെ കാലൊടിഞ്ഞു
2026 ഫിഫ ലോകകപ്പിൽ ആതിഥേയരായ കാനഡയ്ക്ക് കനത്ത തിരിച്ചടി. ഖത്തറിനെതിരായ ഗ്രൂപ്പ് ബി മത്സരത്തിനിടെ മധ്യനിര താരം ഇസ്മായേൽ കോനെയുടെ കാലൊടിഞ്ഞു. പരിക്കിനെ തുടർന്ന് കോനെയെ സ്ട്രെച്ചറിലാക്കി ആശുപത്രിയിലേക്ക് മാറ്റി.
മത്സരത്തിന്റെ രണ്ടാം പകുതിയിൽ ഖത്തർ താരം അസിം മദീബോ നടത്തിയ ടാക്കിളിലാണ് 24-കാരനായ കോനെക്ക് പരിക്കേറ്റത്. ആദ്യം മഞ്ഞക്കാർഡ് ലഭിച്ച മദീബോയ്ക്ക് വീഡിയോ അസിസ്റ്റന്റ് റഫറിയുടെ (VAR) പരിശോധനയ്ക്ക് ശേഷം ചുവപ്പ് കാർഡ് കാണിക്കുകയായിരുന്നു.
കോനെയുടെ പരിക്ക് കാനഡൻ താരങ്ങളെ മാനസികമായി ബാധിച്ചെങ്കിലും ടീം മത്സരം 6-0ന് വിജയിച്ചു. എന്നാൽ ചരിത്രവിജയത്തെക്കാൾ ടീമിലെ പ്രധാന താരത്തിന്റെ ഗുരുതര പരിക്കാണ് മത്സരശേഷം പ്രധാന ചർച്ചയായത്. പരിശീലകൻ ജെസി മാർഷ് കോനെയുടെ അഭാവം ടീമിന് വലിയ നഷ്ടമാണെന്ന് പ്രതികരിച്ചു.
ശസ്ത്രക്രിയ വിജയകരമായി പൂർത്തിയായതായി കാനഡ സോക്കർ പിന്നീട് അറിയിച്ചു. ബാക്കിയുള്ള ലോകകപ്പ് മത്സരങ്ങളിൽ കോനെ കളിക്കില്ലെന്നും അദ്ദേഹം ചികിത്സയ്ക്കും പുനരധിവാസത്തിനുമായി ടീമിൽ നിന്ന് വിട്ടുനിൽക്കുമെന്നും അധികൃതർ വ്യക്തമാക്കി.
