ജമ്മു: നൂറ്റിയൻപത്തിനാല് വർഷത്തിലേറെ പഴക്കമുള്ള ദ്വൈവാർഷിക ദർബാർ മൂവ് ആചാരത്തിന്റെ ഭാഗമായി ജമ്മു കശ്മീർ ഭരണകൂടം ശീതകാല തലസ്ഥാനമായ ജമ്മുവിൽ പ്രവർത്തനം പുനരാരംഭിച്ചു. സിവിൽ സെക്രട്ടേറിയറ്റ്, ലോക് ഭവൻ എന്നിവയുൾപ്പെടെയുള്ള പ്രധാന സർക്കാർ ഓഫീസുകൾ ജമ്മുവിൽ തുറന്ന് പ്രവർത്തനം തുടങ്ങി.
സിവിൽ സെക്രട്ടേറിയറ്റിൽ എത്തിയ മുഖ്യമന്ത്രി ഒമർ അബ്ദുള്ളയ്ക്ക് ഔദ്യോഗിക ഗാർഡ് ഓഫ് ഓണർ നൽകി. തുടർന്ന് വിവിധ വകുപ്പുകളിലെ ഓഫീസുകൾ സന്ദർശിച്ച അദ്ദേഹം ഉദ്യോഗസ്ഥരുമായി കൂടിക്കാഴ്ച നടത്തുകയും ഔദ്യോഗിക കാര്യങ്ങൾ വിലയിരുത്തുകയും ചെയ്തു.
