വാഷിങ്ടൺ: ഇറാൻ്റെ മുൻ പരമോന്നത നേതാവ് അലി ഖമേനിയുടെ സംസ്കാരച്ചടങ്ങുകൾ പുരോഗമിക്കുന്നതിനിടെ, അമേരിക്കൻ പ്രസിഡന്റ് ഡോണൾഡ് ട്രംപ് ഇറാനെ പരിഹസിച്ച് നടത്തിയ പ്രസംഗം ശ്രദ്ധ നേടി. അമേരിക്കൻ സ്വാതന്ത്ര്യദിനാഘോഷത്തോടനുബന്ധിച്ച് നടത്തിയ പ്രസംഗത്തിലാണ് ട്രംപ് ഇറാനെ ലക്ഷ്യമിട്ട് പരാമർശങ്ങൾ നടത്തിയത്.
അമേരിക്ക ഇറാനെതിരെ നടത്തിയ സൈനിക നടപടികളെ പരാമർശിച്ച ട്രംപ്, “ഖമേനിയുടെ സംസ്കാരച്ചടങ്ങുകൾക്കായി ഞങ്ങൾ ഇറാന് ഒരാഴ്ച സമയം നൽകി; കാരണം ഞങ്ങൾ നല്ല ആളുകളാണ്” എന്നായിരുന്നു പരിഹാസരൂപേണ പറഞ്ഞത്. ഇറാൻ ഇപ്പോൾ ധാരണയിലെത്താൻ ആഗ്രഹിക്കുന്നുവെന്നും അദ്ദേഹം അവകാശപ്പെട്ടു.
ട്രംപിന്റെ ഈ പ്രസ്താവന ഖമേനിയുടെ സംസ്കാരച്ചടങ്ങുകൾക്ക് ലക്ഷക്കണക്കിന് ആളുകൾ പങ്കെടുത്ത സാഹചര്യത്തിലാണ് പുറത്തുവന്നത്. ചടങ്ങുകൾ ദേശീയ ദുഃഖാചരണത്തിന്റെ ഭാഗമായി ടെഹ്റാനിൽ ആരംഭിച്ചിട്ടുണ്ടെന്നും വിവിധ രാജ്യങ്ങളിൽ നിന്നുള്ള പ്രതിനിധികൾ പങ്കെടുക്കുന്നുണ്ടെന്നും റിപ്പോർട്ടുകളുണ്ട്.
ട്രംപിന്റെ പരാമർശത്തോട് ഇറാൻ ഔദ്യോഗികമായി പ്രതികരിച്ചിട്ടില്ല. എന്നാൽ പ്രസംഗം സാമൂഹിക മാധ്യമങ്ങളിലും അന്താരാഷ്ട്ര രാഷ്ട്രീയ വൃത്തങ്ങളിലും വ്യാപക ചർച്ചയ്ക്ക് വഴിവെച്ചിട്ടുണ്ട്.
