സംസ്ഥാനത്തിന്റെ കടുത്ത സാമ്പത്തിക പ്രതിസന്ധി കണക്കിലെടുത്തെങ്കിലും ജനങ്ങൾക്ക് അധികഭാരം സൃഷ്ടിക്കുന്ന കടുത്ത നടപടികൾ സ്വീകരിക്കാതെയാണ് മുഖ്യമന്ത്രിയും ധനമന്ത്രിയുമായ വി.ഡി. സതീശൻ ആദ്യ ബജറ്റ് അവതരിപ്പിച്ചത്. വികസനം, നിക്ഷേപം, തൊഴിൽസൃഷ്ടി, ധനകാര്യ അച്ചടക്കം എന്നിവയ്ക്ക് പ്രാധാന്യം നൽകുന്നതോടൊപ്പം ക്ഷേമപദ്ധതികൾ തുടരുന്ന സമീപനമാണ് ബജറ്റിൽ സ്വീകരിച്ചിരിക്കുന്നത്.
ബജറ്റിൽ പുതിയ നികുതി വർധനകളോ വ്യാപക ചെലവ് ചുരുക്കലുകളോ പ്രഖ്യാപിച്ചിട്ടില്ല. അതേസമയം, അധിക വിഭവസമാഹരണം, നികുതി പിരിവ് കാര്യക്ഷമമാക്കൽ, അനാവശ്യ ചെലവുകൾ നിയന്ത്രിക്കൽ, പൊതുനിക്ഷേപം വർധിപ്പിക്കൽ എന്നിവയ്ക്കാണ് സർക്കാർ ഊന്നൽ നൽകിയിരിക്കുന്നത്.
സംസ്ഥാനത്തിന്റെ സാമ്പത്തിക സ്ഥിതി വെല്ലുവിളി നിറഞ്ഞതാണെന്ന് സർക്കാർ നേരത്തേ പുറത്തിറക്കിയ ധവളപത്രം വ്യക്തമാക്കിയിരുന്നു. ഈ സാഹചര്യത്തിൽ വികസന പദ്ധതികൾ മുന്നോട്ടുകൊണ്ടുപോകുന്നതിനൊപ്പം ധനകാര്യ സ്ഥിരത ഉറപ്പാക്കുകയെന്ന ഇരട്ട ലക്ഷ്യമാണ് ബജറ്റിലൂടെ സർക്കാർ മുന്നോട്ടുവെക്കുന്നത്.
